ҒИБРАТЫ МОЛ ЖҮЗДЕСУ
ҒИБРАТЫ МОЛ ЖҮЗДЕСУ
Біздің мектебімізге Нұр-Сұлтан қаласынан – Республикалық радиобиология және радиациялық қорғау институтының директоры, медицина ғылымдарының докторы, академик Полат Қазымбет пен оның Ресейден келген әріптестері – Сібір Биофизикалық ғылыми орталығының директоры, Ресей Федерациясының Еңбегі сіңген дәрігері, медициналық ғылымдардың докторы, профессор Тахауов Равиль Манихович пен оның зайыбы арнайы келіп, ұстаздар мен оқушылармен кездесті.
Кездесу барысында профессор Полат Қазымбет жас буынды барынша білімді болуға шақырды. «Бүгінде еліміздің солтүстігі мен шығысында білімі мен технологиясы қарқынды дамыған мемлекеттер орналасқан. Солардың ықпалында қалып кетпеуіміз үшін біз өз ғылымымызды барынша дамытуымыз керек. Мен жас кезімде көп оқыдым және әлі де ізденудемін. Балаларым сендер де барынша оқуларың керек, сонда ғана зор жетістіктерге жетесіздер. Қазақстанның болашағы жастар сендердің қолдарыңда! Ілім іздесеңдер інжу табасыңдар»-деді. Ал ресейлік қонақтар Р.Тахауов мен оның зайыбы жас кездерінде жақсы оқып, мектепті Алтын медальмен бітіргендерін, соның арқасында бүгінгідей жоғары жетістікке жеткендерін айтты. Жас буынға игі тілектерін жеткізіп, білімді болуға шақырды.
Посмотреть онлайн файл: 12_09_22.pdf