Жолың болсын жас түлек – 2015
Жолың болсын жас түлек – 2015
Мақсаты: сынып оқушылары жас түлектерге арнап өз тілектерін білдіріп «ақ жол» тілейді.
Тәрбиелік мәні: оқушылардың бойына адами қасиеттерді қалыптастыру әдемі де мәдениетті сөйлеуге, сахнада өздерін талапқа сай ұстауға дағдыландыру.
Көрнекілігі: плакаттар, нақыл сөздер, шарлар, гүлдер.
Өтілу барысы:
Жүргізушілер:
Тасов Нұрасыл, Балтабай Айжан
Нұрасыл
Қазағымның бүгіні мен ертеңі,
Жарқын болсын биіктерден көрінген.
Біз – болашақ жастарымыз ертеңгі,
Арман қуып биік шыңға өрлеген.
Айжан
Білім қуып, үйренген көп өнерді,
Біз жастармыз болашаққа сенімді.
Елбасының елге қойған мақсатын,
Жалғастырар ұрпақтары елімнің.
Нұрасыл
Қайырлы күн құрметті ұстаздар мен оқушылар!
Айжан
Армысыздар бүгінгі іс – шарамыздың басты себепкерлері жас түлектер. Бүгінгі кешіміз тек сіздердің құрметтеріңізге арналады.
Нұрасыл
Арыстандай айбатты,
Жолбарыстай қайратты.
Қырандай күшті қанатты,
Мен жастарға сенемін.
Айжан
Көздерінде от ойнар,
Сөздерніде жалын бар.
Жаннан қымбат оларға ар,
Мен жастарға сенемін.
Нұрасыл
Құрметті түлектер алдағы ҰБТ – дан сүрінбей өтіп, жоғары оқу орнынынң грантын жеңіп алуларыңызға шын жүректен тілектеспіз. Ұлы Абай атамыз айтқандай «Сенде бір кірпіш дүниеге, кетігін тап та бар қалан» - демекші өмірде өз орындарыңызды тауып қалануларыңызға тілектеспіз.
Айжан
Білімдіден шыққан сөз,
Талаптыға болсын кез.
Нұрын, сырын көруге,
Көкірегінде болсын көз.
«Адам баласы адам баласынан ақыл, ғылым, ар, мінез деген нәрселермен озады. Онан басқа нәрселермен оздым ғой демектің бәрі ақымақшылық».
Нұрасыл
Білім неден құралар,
Ой – санаң егер болмаса.
Түсінсең егер өмірді,
Күресуден тұрмай ма.
Сол үшін айтар тілегім,
Оқу оқы, білім қу.
Адал және берік бол,
Жетерсің сонда биікке.
Нұрасыл
Құрметті ұстаздар мен оқушылар 11 – жыл бойы мектепте біліп алып, нәтижесін олимпиадаларда, ғылыми жобаларда көрсетіп, мектептің рейтінгісін көтеруге атсалысқан ерекше түлектерді және қоғамдық жұмыстарға белсене қатысқан түлектермен таныс болыңыздар.
Айжан
Нұр құйған шәкірттердің зердесіне,
Білімнің сусындадым теңізінен.
Шәкіртпін асыр салған жер төсінде,
Нұр құйған шәкірттің әр лебізінен.
Зердемді сіз ашпасаңыз не етер едім,
Өмірден сыбағасыз өтер едім.
Ғажайып дүниенің сырын – жайып,
Қияға қызықтырып жетеледің.
Нұрасыл
Құрметті түлектер, сіздердің сауатты да, салауатты және рухани жағынан бай болуларыңызға бар күш – жігерін білімін сарп еткен ұстаздарға мың алғыс айтамыз.
Айжан
Енді баршамыз ұстаздарға арнап «Ұстазым» әнін шырқайық. Құрметті ұстаздар бұл тек сіздердің құрметтеріңізге. Сіздерге қажымас қайрат, мықты денсаулық, шығармашылық табыс, отбасыларыңызға амандық тілейміз.
(Ортаға 11 сынып оқушылары шақырылады)
Нұрасыл
-Айжан мен сенің сезімталдығыңды байқап көрейін?
-Қалай?
-Айтшы біздің сыныптағы ең еш ренжуді білмейтін қыз бен жігітті аташы.
Айжан
-Жарайды, ал енді ең еш ренжуді білмейтін қыз бен жігітті аташы.
Нұрасыл
-Жарайсың, Айжан! Енді осы сұрақтарды түлектерге қойып көрейік. Олар өз достарын қалай таниды екен.
Айжан
-Сыныпыңыздағы ең әзілқой, әрі үнемі көңілді жүретін, жан – жағын шуаққа бөлеп тұратын ең деген бір қыз бен жігітті атасаңыз.
Нұрасыл
-Сыныпыңыздағы ең көркем де әдемі сөйлейтін шешен деген бір қыз бен жігітті атасаңыз.
Айжан
-Сыныпыңыздағы ең сирек ренжитін, әрі бәріне түсінікпен қарайтын деген бір қыз бен жігітті атасаңыз.
Нұрасыл
-Сыныпыңыздағы кербез, сәнқой сыныпта соңғы модамен хабардар ететін деген бір қыз бен жігітті атасаңыз.
Айжан
-Сыныпыңыздағы достарына, әсіресе бақылауларда, байқау тесттерінде өз көмегін аямайтын деген бір қыз бен жігітті атасаңыз.
Нұрасыл
-Сыныпыңыздағы сыныптың намысы үшін жалау көтеріп алдыңғы лекте жүретін патриот деген бір қыз бен жігітті атасаңыз.
Айжан
-Біз білеміз, сіздердің араларыңызда ақын жанды жастар көп, дегенменде ең деген бір қыз бен жігітті атасаңыз.
Нұрасыл
-Сыныпыңыздағы ең аз сөйлейтін, осы қалай жарылып кетпейді деп таңқалатын бір қыз бен жігітті атасаңыз.
Айжан
-Сыныпыңыздағы ең жақсы әсем билейтін елдің бәрін өзіне қаратып қоятын бір қыз бен жігітті атасаңыз.
Нұрасыл
Біз сияқты оқушылардың түлектерге қоятын сұрақтары бар секілді. Ал, ендіше оларды тыңдап көрейік.
Әділ: Мектепте 11 жыл білім алдыңыздар. Алла жазса студент атанасыздар, дегенмен әттең – ай деген өкініштеріңіз бар ма?
Жанболат: Құрметті аға – әпкелер, бізге қандай ақыл кеңес бересіздер? Оқушылық кездеріңіз қайта айналып келсе не істер едіңіз?
Бекзат: Мектепте жүргенде өздеріңізге қай мұғалімді үлгі тұттыңыздар?
Қорытындысында мектептің «Алтын белгіге» үміткер Жансая мен «Үздік аттестатқа» үміткер Мықтыбай және белсенді оқушы
Құрметті жас түлек, еліміздің болашағы сіздер секілді жалынды жастардың қолында. Ата – аналарыңыздың, ұстаздарыңыздың үкілі үмітін ақтап, тамаша адами қасиеттерге ие тұлға болуларыңызға тілектеспіз.
Тесттен сүрінбей өтіп, грант иесі болыңыздар!